BS210SB

Línuspil Beitis eru framleitt með mikið álagsþol í huga, þar sem halari og slítari eru sambyggðir. Línan er dregin inn á stóru kefli í gegnum slítarann þar sem fiskurinn losnar sjálfkrafa af og línan heldur áfram í gegnum burstakerfi sem hreinsar af alla beituafganga af línunni.

Nýjasta útfærslan af burstakerfinu eru tveir hringburstar sem eru keyrðir með glussamótorum og eru hraðastýrðir, þeir eru hannaðir til þess að fjarlægja jafnvel erfiðustu beituafganga. Þessi tækni var þróuð út frá eftirspurn viðskiptavina og hefur hlotið mjög góðar viðtökur. En auðvelt er að opna á milli burstanna og þrífa ef þörf er á.

• Ryðfrí smíði
• Þvermál línuskífu: 400 mm
• Stærð:
  • Lengd: 186 cm
  • Breidd: 56 cm
  • þyngd: 190 kg
• Mótor:
  • Hámarks flæði: 75 L/mín
  • Hámarks þrýstingur: 300 bar
  • Hámarks þrýstifall: 210 bar
  • Hámarks tog: 800 Nm
• 2x snúningsburstar, keyrðir með glussamótorum
• Allir slitfletir eru til á lager, s.s. línuskífa, burstar og slítara- og andæfarkefli